● महामानवांची जयंती 'आकाश कंदिल' मध्ये सीमित करू नका.

● एक आवाहन : महामानवांची जयंती 'आकाश कंदिल' मध्ये सीमित करू नका.

लेख -
राजेश सावंत

◆●◆••◆●•◆●◆••◆●◆•◆●◆••●◆••◆●◆

मित्र हो,
महामानव डॉ. बाबासाहेब आंबेडकर, बुद्ध यांची जयंती काही दिवसांवर येऊन ठेपली असतानाच डॉ. बाबासाहेब, बुद्ध यांची चित्र असलेले कंदील जयंती दिवसात घरोघरी लावा, असा संदेश दिला जात आहे.

बुद्धिवादी हो,
महामानवाच्या जयंत्या हा विचारांचा जलोष असावा. कृतिशील कामाचा परिपाठ असावा. संवादाचा शिडकावा असावा. प्रबोधनाचा मार्ग असावा. शैक्षणिक, आर्थिक, सामाजिक विषयाला धरून येणाऱ्या काळात संस्था निर्माण करून नवं विवेकवादी, बुद्धिवादी पिढी बनविण्याचा मानस संकल्प असावा.

खऱ्या अर्थाने महामानवाना अभिप्रेत असलेला सामाज घडविणे हाच मूळ उद्धिष्ट, गाभा असायला हवा. मात्र आपण आज ही बुद्धिस्ट असून देखील हिंदू धर्माची प्रतिक्रांती, अनुकरण करीत असू आणि बुद्धानंतर बुद्ध धम्म वाढविण्याच काम, प्रसार - प्रचार करणाऱ्या महान बौद्ध भंते मोगलायन, सारिपुत्त अश्या अनेक भिक्कूची हत्त्या घडवून आणली. आणि आनंदाने कंदील गोडधोड करून मनुवादी विचाराने दिवाळी साजरी करण्यात आली होती. त्याचीच पुनरावृत्ती आपण करू लागलो तर बुद्धांचा, बाबासाहेबांचा डोळस वैज्ञानिक दृष्टिकोन अवघे जग अवलोकन करीत असताना खरंतर भारतात महामानवांची जन्मभूमी असताना असे नकारात्मक, विचार विरहित गोंडस प्रकारांना थांबवा. आळा घाला.

मित्र हो,
अनुकरण करण्यापेक्षा अवलोकन करा. अनुकरण केल्याने मानवाचा नाश अटळ आहे. मात्र अवलोकन केल्याने उत्कर्ष नक्की आहे. महामानवांच चित्र असलेलं कंदील लावणे, लटकवणे हा त्यांचा नकळत अपमान करीत आहोत, हे लक्षात घ्या. प्रतिक्रांती विचारांची होणं आवश्यक आहे. हिंदूंच्या सणाची नाही. तरी बौद्ध असून दोन दगडावर उभे असणाऱ्या लोकांना मान सन्मान का देत आहोत? यांना फाटा द्या. असे स्पष्ट मत आहे. जो बौद्ध असून कंदील लावेल तर तो नक्कीच पूर्ण बौद्ध नाही. केवळ त्यांन परिवर्तन केले असून त्याच प्रबोधन झालेले नाही. अस समजायला हरकत नाही. आपला तरुण सुज्ञ असून विचारांची परिभाषा जाणतो. त्यांनी अशा लोकांना प्रबोधन करावे.

तरच खऱ्या अर्थाने आपण बुद्ध, बाबासाहेब यांच्या डोळस सकारात्मक महान विचारांना क्षितिजा पलिकडे पोहचविण्याचा निर्धार करून स्वयं प्रकाशीत होता, करता येईल आणि म्हणूनच एक आवाहन आहे, जयंती साजरी करताना हिंदू संस्कृतीच्या दिवाळी प्रमाणे 'आकाश कंदिल' मध्ये महामानवाना सीमित करू नका.

◆◆◆

आवाहनात्मक एवं मार्गदर्शक लेख -
राजेश सावंत (लेखक, कवी एवं युवा मार्गदर्शक)
"आसरा एज्युकेशन आणि सामाजिक संस्था"

❖❖❖❖❖❖❖❖❖❖❖❖❖❖❖❖❖❖❖

प्रचारक, अनुवादक एवं संकलन कर्ता -
यतिन जाधव (व्यवस्थापक एवं संचालक)
"दि बुद्धिस्ट सोशल नेटवर्क ऑफ इंडिया"

═══════════════════════

एकदा नक्की भेट द्या.
• दि बुद्धिस्ट सोशल नेटवर्क आँफ इंडिया
Www.FaceBook.Com/BsnetINDIA

• एक रात्र निळ्या पाखराची
Www.FaceBook.Com/NilePAKHARU

• यतिन जाधव फेसबुक अकाऊंट
Www.FaceBook.Com/UatinJADHAV789456123

• मातृ संघटनेत सहभागी होण्याकरिता
Www.SSDIndia.Org

◆●◆••◆●•◆●◆••◆●◆•◆●◆••●◆••◆●◆

• YATIN JADHAV :
9967065953 Or 7738971042
(Use Only One WhatsApp Number)

सादर The Buddhist Social Network Of India : WhatsApp Group वर (ADD) सहभागी व्हायचे असल्यास मेसेजने संपर्क करा

धन्यवाद ।